واحد من البشر

وانا مالى يا عم
يعنى اية هيا البلد دى بتاعت مين؟
وانا مالى !
يعنى انت شايف الغلط وساكت
واشمعنا انا الى اتكلم وانا مالى
معلش يا صاحبى
انت النهردة بتقول وانا مالى يمكن عشان الغلط دة مش بيضرك شخصيا بس بكرة هيضرك انت..
طيب ولو كنت معاك او جنبك انت تحب اقولك وانا مالى انا ماليش دعوة؟
طبعا لا..... طيب واية العمل دلوقتى !؟
اولا يا صاحبى السكوت على الغلط يعتبر موافقة رسمية علية
طيب وانا يعنى هغير العالم؟
لا طبعا مش هتغير العالم بس لازم تنسى كلمة وانا مالى وتنسيها لصحابك ومعارفك 
طيب وانا هعمل اية هروح اقف فى ميدان عام والم صحابى واعد اقلهم يا جماعة محدش يقول وانا مالى وكل واحد يشوف الصح ويعملو حتى ولو ينصح؟

لا لا كلامك دة ممكن يحصل فى الحلم ولما تصحى هتلاقى كل حاجة زى ماهى
طيب والعمل ؟

انت نفسك بتقول وانا مالى مع صحابك فى الشارع وبردو بتقول وانا مالى وانت فى الشغل وحتى وانت نايم بتحلم بموقف تقول فية وانا مالى
طيب انت بتكلمنى كدة كانى انا الوحيد الى بيقول وانا مالى فى البلد دى
لا طبعا مش انت الوحيد بس زى ماقولتلك لازم تنسا كلمة وانا مالى وتنسيها لصحابك ومعارفك

وعشان تعمل كدة لازم تقنع نفسك ومعارفك وصحابك انكم طول ما انتو بتقولو كدة مافيش حاجة  هتتغير
وزى ما احنا شباب دلوقتى بكرة هنبقى رجال مسؤولين عن شباب ورجال ونقدر بردو نقنعهم بانهم يبطلو يفقولو وانا مالى  لاننا بطلنا من زمان نقولها
طيب  افرض محصلش كدة ومعملتش الكلام دة؟

خلاص يا صاحبى ما تزعلش منى وانا بقولك وانا مالى وانت محتاجلى

حوار بين شاب مصرى وشاب مصرى ميعرفوش

منقول http://www.mganan.org/tsm/